| 個人檔案~奀治有野講~相片部落格清單 |  工具  說明 |
~奀治有野講~6月12日 <求婚大作戰>唔知點解, 一邊睇<求婚大作戰>,一邊會回想起自己學生時代既事. 當時既我,係咪都好似劇中既人物一樣, 笑得咁開心呢? 或者都係一樣覺得日日係校園玩下笑下,有時同d同學無無聊聚埋一齊都係理所當然! 我仲記得,愈近畢業果陣, 我自己會無啦啦同自己講要好好珍惜返學既日子, 但依家諗返轉頭, 我又算唔算珍惜呢??
果陣時, 班會主席, prefect, 班長, 紅十字會總隊都做過, 放學時幫手做壁報, 睇下籃球隊練習, 上紅十字會既課程, 同d姊妹行街飲野傾計.到左放假既時候, 仲會將紅十字會學到野學以至用, 去做service, 為拎到300小時既服務金章而高興. 學校每年既open day, 我地都好俾心機去做好攤位...當時覺得, 只要俾心機~冇咩野會難到我...都算係一個簡單而又熱心既學生...
出左黎社會做野幾年, 發現到, 一腔熱誠唔等於咩一回事...亦都會慢慢理解到, 什麼有責任感, 上進, 勤奮等等...原來都唔一定係工作最需要既要點...以前用心誠懇既待人處事態度, 亦變到好似不適用一樣, [己所不欲, 勿施於人]既金句, 好似已經被社會所淘汰...我諗...我應該開始明白果d, 想返去學生時代既人既心情...有種莫明奇妙既心酸...原來當時既一切係咁純真同開心...
講到底,我對依家既生活都算滿意, 而我亦都唔係果d要係職埸上非要有一番作為既女強人 , 一切虛偽造作, 趨炎附勢自問都係免強唔黎. 自知呢種性格絕對係職埸上形成左無形障礙, 但我就係欣賞自己呢種性格, 亦都無心去改變, 或者[人不犯我, 我不犯人]都算最代表到我依家既想法!
嗯...我有預感Nora睇完呢篇文章又有野講...就係話: 你終於又UPDATE,哈哈!
5月25日 五月其中一個星期五今朝係公司樓下見到Wilson Lee李澤階 , 因為其中一架lift封左俾佢專用既關係, 攪到排隊等lift條長龍排到出大堂門口! 不過佢真人睇落都幾高大幾smart, 但唔知黎華懋做咩呢?
放工既時候, 本來打算以極速返大埔, 等lift時俾我睇到紅會張捐血poster~原來捐血隊黎左我地大廈十樓, 個活動至到6點. 我望下手錶, 5:55pm!! 好彩俾我趕得切 , 做到最後一位捐血者! 哈哈! 今次打針時覺得有d痛啊Q_Q~捐緊果陣仲覺得隻手好似痺痺地添 , 不過捐完之後又冇咩特別感覺~仲好快咁飲完杯橙就走喇! 原來我blood circulation都唔錯喎! 捐450cc, 只需6分鐘!! 姑娘話大概要5至10分鐘架! 我6分鐘都算快啦! 哈哈!! 勁呀!!
3月31日 同MISS WONG食飯^_^28 Mar. 2007 (Wed.)
4年喇!! 4年冇見Miss! 其實今次我地7個咁有心約miss係因為上次單新聞, 真係要多謝穿鼻環果個中一學妹, 哈哈哈...
Miss wong F.2 已經開始教我地MATHS, 上到F.3時~做我地既班主任...我記得以前一定要我地寫週記, 咁我地有咩心事都會寫落去同MISS 分享, MISS仲會好似朋友咁回應返我地! 好好架!! 我連以前暗戀籃球隊長既事都有寫! 哈哈哈....
食飯時, MISS俾左份驚喜我地! 真係驚喜到令我地係個商埸度唔理旁人目光而爆笑! MISS 居然帶左我地F.3時既人名表出黎!!仲要係連相既!!! 嘩...睇返D相...真係笑爆! 個個唔同晒樣, 我直頭肥左勁鬼多!! 個個D樣勁傻仔!! 有D好似通緝犯! 不過的確令我地回憶返好多以前既趣事!
見到MISS個袋有好多FILES, 好多DOCUMENTS....我地都唔想打擾太耐, 9點幾我地就送MISS去搭車!
MISS 對我地真係好有心!! 不過知道左佢教埋今個學期就唔再教書~想多D時間照顧囡囡! 唔多唔少都係教育界既損失!! 2月27日 嘩!屋企差d爆炸!嚇到我丫!夜晚放學之後, 我如常地返到屋企就開電腦, 睇電視! 爸媽今晚公司請食飯, 所以屋企冇飯食, 冇幾耐爸媽就返到黎喇~爸爸一返黎就話快D沖涼睇電視! 眼見佢地無買野食返上黎俾我地~細佬依依哦哦左一輪~都係落街買野食喇~驚嚇既事情, 就由爸爸沖完涼出黎, 細佬行出門口之後發生...
爸爸沖完涼出黎~打算拿拿聲吹乾個頭, 舒舒服服睇電視! 當佢拎起個風筒, 打算插插蘇時.........<<嘭!!!!!!!>>>>>好大聲既爆炸巨響!我望住係我身邊既爸爸~ 只係見到紅燈色既火光&同一時間全屋黑晒!!我嘩左一聲!! 爸爸隻手仲拎住左個風筒, 而係廚房既媽咪亦都嚇到衝出黎問: 發生咩事?!!? 係我同爸爸驚魂未定~都唔知發生咩事之際~媽咪好快就拎左個電筒出黎, 發現原來風筒條電線斷左!!! 唔使問一定係隻朱古力咬既好事!!! 爸爸就口up up咁鬧隻狗 =.= 都唔明點解爸爸發生左單咁危險既事, 加上全屋又黑蚊蚊~佢仲咁有心情鬧隻狗=_=?...我係隔離望到都驚到唔識講野啦! 何況佢拎住個爆炸源頭!!!
真係要講一句: 媽咪好勁呀!!
媽咪不但好快拎左個電筒出黎~而且隨即就叫我地打電話落去管理處開返個總制! 於是爸爸就拎住個電筒去照下寫左係電話紙上面既管理處電話, 因為太黑~媽咪同爸爸又心急, 連個無線電話都跌左落地--->爛埋!! -_-" 摸黑之下~我就搵返我隨處放既手機打落管理處喇...而爸爸就一邊用電筒照住~一邊維修返個電話! 呢個時候我已經係度笑緊...驚原識笑喇~~~哈哈!! 好快~就有人上到黎開返個總掣, 屋企終於回復正常! 呢個時候我細佬返到上黎~原來佢岩岩入lift時都聽到果下巨響!!可想而知真係好大聲!! 真係好彩冇事咋...
正當我依家報導緊俾分大家分享既時候, 手機響起...原來係出完團岩岩返到HK既阿妹打黎, 佢問: 乜屋企冇人咩?? 做咩唔聽電話?? 我只係講左句: oh no...跌到個電話唔識響! 又要拎去整喇...=_="真麻煩! 呢單野邊個去攪先?!!
2月13日 辦證一肚火!!!一朝早去整特區護照~整到我好火!!!!我事前已經打左電話去登記~所以一去到就俾左個"丑"我~之後等左半個鐘~點知叫我個名時~係叫: 長者李XX請到5號窗!! 我頂丫!!! 叫我長者!?!?!
佢地知道攪錯之後,幾個女職員係度笑住講唔好意思...都唔知佢地咩服務態度!!! 我怕人地以為我咁後生就拎長者既"丑"貪快咋!!! 坐低之後~問佢攪快證最快可以幾快~又問要咩文件~係咪一定趕得到2月尾拎證! 班人又答你唔到~攪到5個職員一齊圍住我個counter!!! 真係人手多, 但做野慢到爆囉!!! 因為要輸入電腦留個record~之後scan我份application form~點知又話我份表格係網上DL~唔係好合佢個format~攪到hang埋機~我心諗~政府依家都叫人盡量上網處理~點知連scan份form都出事!!! 佢地係度講晒唔好意思~但當時我已經好火!!!冇彩佢地, 只係打電話俾蘋蘋同nora問申請BNO既contact info!! 連我媽咪都話佢地唔掂!! 浪費左我成朝!!!!
睇下政府幾多人手丫~~攪一個證件~要5個人圍住!!!! 癲癲地!! 1月10日 特別事記^^"又勁耐冇update(=_="又俾人話我懶喇...)等我簡絡講下X'MAS到元旦有咩攪啦!
12月23日
旁晚5點幾開始~同紅十字會既團友(包括NORA同權權大師)入左錦上路(好似係), 近元朗既地方BBQ! 都幾開心~仲影左大合照添! ! 之後出左去銅鑼灣燈籠街JOIN冠冠個Party,金金同佢d同事都有一齊黎玩~哈哈! 其實當晚最令我happy既係間bar有個好靚仔既bartender!! 土耳其人!型! 望住佢都夠晒開心!! 不過玩玩下俾個煩友纏住, 但係最後都擊退左! 呵呵!
**其實當晚有D嬲架! 不過因為咩事就唔講啦...
12月24日
琴晚玩到天光, 今日下午一起身又要梳洗打扮~因為約左金金, 美儀, PENNY一齊去TST間德國餐廳食大餐! 間餐廳環境正, 食物正, 就連氣氛都正正正!! 一人有一袋X'MAS GIFT: 吹既BB, 申縮紙卷(唔知你地知唔知我講咩), 光纖捧, 最正係個羽毛面具!! 呵呵~我地食完野, 就戴住個面具行街~好鬼YEAH~哈哈!
大約10點去到旺角睇<ERAGON>, 都唔錯! 睇完戲~壓軸節目係:上金金屋企玩Wii ~~~~~~好鬼死好玩啊!! 玩到手痛!!
**特別鳴謝肥威提供Wii 娛樂大家!! + 飯焦提供barleys一支~原來barleys加朱古力奶好好飲架^0^
12月25日
玩左兩日仲未夠!! 今日去Join Nora個Party!!! 今晚唔使講, 去之前麻煩要諗個主題打扮俾自己先, 唔係實俾人嗲爆! 講下大家個造型先:1號佳麗-unji,即係我-純純學生look!! 2號佳麗-Nora-豪氣貴婦look!!! 3號佳麗-嘉麗-開始要嗲喇!!唔知咩look!無主題呀!! 4號猛男-李輝-懷舊王子look!! 5號猛男-楊楊-大頭海盜look!! 6號猛男-咸希-又係要嗲呀!! 便服look!不過算啦!佢上完大陸岩岩返到! 仲有naro哥同nora嫂-見佢地咁恩愛加上就快拉埋天窗!嗲少次啦! 即係講到尾...=_=得我同nora,李輝有主題! 呃晒!!!
好彩nora好醒~一早係大陸買定晒d面具! 冇look都即時變身化妝舞會look! 加上個mirror波!! 我地就好似進入左個舞會一樣~我地又飲酒又跳舞!! 流晒汗呀!! 玩到癲晒!! 哈哈!! 咁成個party又點少得交換禮物呢~~我抽到個縮細版加油站~要黎隊酒一流! 玩到兩點幾..返屋企lu~~
** naro哥呀!! 我一定會記得果粒"色仔" =.=哼哼!!
12月26日
今晚終於輪到我班好姊妹喇~一齊上左美儀屋企打邊爐~~~不過打邊爐只係前奏! 重點係: 打牌!!!! 哈哈哈哈...成班爛賭婆!!!我地好似第2日唔使返工咁...盡情地打...打打下開左兩台打!! 因為金金, penny, 孖8都有落埸...可惜果晚我狀態不佳...做左大輸家...Q_Q...唔係金金係另一邊贏左D....我輸成$200...自摸8番都係位位$16...我居然可以輸咁多...你話我果晚幾咁唔掂...最後又玩到兩點幾...第2日仲要返工....
**今晚係無酒派對, 但大家都好盡興! 嘻嘻!
之後到除夕其間...我病到9彩...又咳又發燒又傷風....總之就係玩得幾開心, 就病得有幾甘!!!! 仲要30號約左冠冠溫書, 本來無咩值得講, 但果朝我去完屯門同嫲嫲飲茶之後, 好準時咁去到荃灣搵冠冠, 點知佢前一晚飲大左!!攪到遲到!! 話晒我戴住口罩都出黎溫書, 佢居然因為飲大而遲到=.="算啦...其實我果日話左佢好耐架喇! 哈哈哈!! ^^Y
講返除夕~本來打算去蘭桂坊個PARTY...可惜最後我都係推左唔去...不過我呢D咁貪玩既人~唔出街...係屋企都一樣可以好精彩既!! 就係同屋企人開PARTY喇!!
12月31日-1月1日
今日好早就同屋企人出街~買定夜晚PARTY既材料! 之後返到屋企就拿拿聲執野喇!! 除左因為人多之外, 其實最主要係有樣好好玩既野進註我地屋企...就係--->Wii~~~金金居然買左Wii~~~超開心!! 我地一邊自助餐形式食除夕大餐~一邊輪住玩Wii~成家人玩到進入瘋狂狀況!! 超級正!!! 最後penny同美儀都上左黎一齊玩!!
當然啦! 我地個party點會淨係得Wii咁簡單!! 仲有一大罐5公升既喜力啤!!!! 係5公升!! 又鋤大Dee, 又玩UNO, 仲有SHOW HAND..總之輸左就要飲(hehe...連唔飲酒既爸爸都飲左半杯啤!!勁呀!!不過佢飲半杯已經想訓咁~哈哈)!!!!!飲埋紅酒同BARLEYS!! 超HIGH!! 又玩到4點幾....不過今晚又溫馨又開心!! SO GREAT!!
***第2日隻手痛到癲左!! Wii既威力真係非同小可! >_<"如果大家玩,記住唔好博晒命咁出力打呀!
嘩~~打左好多字...唔懶喇掛...呵呵~~~去訓覺覺lu~~~
|
|
||||||||
傳送私人訊息
訂閱 RSS 摘要
告訴朋友
新增至 Live.com
新增至您的朋友網路
註冊通知
|
|
